光影日式浪漫

東京Mid Town、六本木、汐留等地是戀人朝聖的首選地，但日圓高企，想趁聖誕節到日本感受浪漫氣氛？沙田新城市廣場七樓的空中花園已打造成甜蜜的光影遊園，無論情侶或單身人士，都可沉醉於浪漫的藍色燈海之中，感受東瀛聖誕情懷。

聖誕節當然希望有另一半陪伴在側，但單身一族眼見街上情侶左擁右抱，亦無需恨得牙癢癢，因為好玩互動的商場設施亦會顧及等待真愛降臨的單身男女。

空中滾軸溜冰場

無論單身寡佬或蜜運中人，步進空中花園，相信都會被漫天藍燈所感動。滿天閃閃發亮的藍光，其實是由無數藍白色LED燈組成，與情侶同遊星海，倍感浪漫﹗再加上商場每隔半小時就會呈獻聖誕特備音樂燈飾匯演，即時日劇主角上身，幻想自己於東京汐留的Blue Ocean拍拖，邊談情邊睇星！另外，空中花園亦特地闢出一角，打造全港首個戶外「空中光影滾軸溜冰場」，讓情侶們手牽手享受醉人美景。

虛擬對象齊合照

今次場內首次引入擴增實境（Augmented Reality）科技，玩法簡單，在「浪漫星星館」內，大家可選擇一位夢寐以求的虛擬對象，包括聖誕女郎、靚仔型男等，將理想對象編碼卡放在鏡頭前，「另一半」便會立即現身眼前螢幕，送上香吻或驚喜禮物，不過最緊要係可以拍低最甜蜜一刻！另外，一雙一對的戀人還可以按下自己所屬的星座按鈕，抬頭一看便會發現天幕上空出現兩組星座圖案，二人的星座在銀河中相遇！簡直浪漫滿瀉……

求婚策劃師獻計

浪漫的聖誕節絕對是求婚的好時機！商場邀得全港首位求婚策劃師為蜜運男女獻計，免費提供創意求婚攻略，助你一擊即中﹗大家只需於場內消費滿$15,000，即有機會免費獲求婚策劃師度身訂造的「求婚一Take過計劃書」，於12月期間，在「白雪星光遊園」內向愛侶求婚，畀個驚喜對方！

沙田新城市廣場聖誕浪漫約定「白雪星光遊園」

日期︰ 即日至2011年1月2日

時間︰ 12:00nn至10:00pm（12月20日起延長開放時間至11:00pm）

地點︰新城市廣場1期7樓空中花園

查詢︰ 2684 9175

註︰聖誕特備音樂燈飾匯演於每日下午5:30pm至10:00pm進行