Tiffany：

一向對於Sharp色情有獨鍾，所以一到夏季就很開心，因為大部分的彩妝品牌都會推出鮮艷的妝物。今季，我就最愛Giorgio Armani的Tokyo Corals系列，創製靈感攫取自東京的傳統與大膽作風，以鮮粉紅及珊瑚紅作主打色，非常搶眼，無論襯鮮色或沉色衫都很突出，成為我今個夏日的Must-have化妝品。

Sanna：

這兩年雙腳有事我已經好少着高踭鞋，所以惟有轉移目標搵靚款平底鞋。上年開始迷上了紳士皮鞋，不過一直搵唔到心水款式。春夏開季時終於見到Steve Madden出了一對好靚的紳士鞋，但轉個頭就斷了貨；幸好最近終於返貨，點知同時ZARA就出了幾對好鬼型仔的紳士鞋，有綁帶又有流蘇款，依家心大心細，應該買邊對好呢？

Kiki：

早排HABA再度推出離子深層導入器，話配合王牌White Lady美白精華及純棉面膜，便能為肌膚作深層清潔，同時亦能重塑肌膚彈性，刺激骨膠原。最初抱住不妨一試的心態，每晚邊睇電視邊拎住部導入器，在臉上來回滾動做8分鐘Refine Programme，頭兩日做完照鏡都覺得肌膚沒有太大的分別，但第三日見到某行家，就被大讚肌膚好潤澤，我依家每晚都Keep住做呀，睇吓會唔會愈嚟愈靚！