「強積金」幾乎人人都要供！對於它，你會讚賞還是痛斥？強積金不知不覺已經推行十五年，有熟悉市場的金融界對積金不屑一顧、有業界當積金如同股票來炒，結果焦頭爛額。十多年的供款生涯飛快過去，打工仔都有一段段積金投資心聲！

黃持正表示，睇淡明年股債表現，準備將組合轉為貨幣基金為主。

吳家順指自己曾把積金如港股般短炒。

陳易希表示已很久沒有留意積金表現。

黃持正：供十年回報兩成

昆侖國際（香港）業務拓展部主管黃持正（Kenny）熟悉外匯市場，投資強積金當然會放眼全球經濟，較其他人更迅速做好部署。過去兩年，他的強積組合一直以大中華地區及歐美為主，回報亦覺合理，由○五年供款至今累計收益率約20%。

鑒於最近內地經濟表現下滑，及美聯儲今月或加息，所以一於大刀闊斧，把積金轉為低風險投資。

黃持正表示，「個人唔睇好一六年的股債表現，已經準備將組合轉為貨幣基金為主，諗住睇定啲先，日後再做基金部署。」

吳家順：短炒虧蝕變蟹貨

「短炒王」、中國銀盛資產管理董事吳家順擅長炒股，他曾經當強積金如同港股一樣短炒，結果痛定思痛，如今投資策略180度改變。他稱：「以往一星期短炒積金兩次，現放長線持有。」

說起強積金，他憶述慘痛經歷，「我早前揀錯咗中港股，真係好後悔！中港股一路跟住個市跌，而蝕得太多唔敢轉，嚿錢壓死哂。」事實上，港股基金近年表現較差勁，過去五年的年度化回報僅約1.2%，歐美及日股基金回報大幅跑贏。

姚浩然：攻港美指數基金

時富資產董事總經理姚浩然（Patrick）笑言，個人距離退休仍有一段時間，故此會選擇較進取的投資。他表示，「我主力投資香港及美國指數基金。香港指數基金中，資金一半投資恒指，一半投資國指。在我可選的強積金組合裏，買指數基金較買債、貨幣基金可取。」

對於強積金的目標回報，他也摸不着頭腦，「我唔知最終筆錢將會有幾大，又點可以靠佢退休呢？我大約每半年至一年先望一望佢，但都無咩點留意佢嘅回報，因為啲錢暫時都無得攞出嚟住。」

羅尚沛：幾年才調配一次

銀河證券業務發展董事羅尚沛（Eugene）投資經驗老到，但竟然也懶理強積金，他說：「我好懶，無咩花時間揀強積金，通常幾年先調配一次，而且跟公司提供嘅強積金組合。賺幾多，蝕幾多，我都無咩理。我揀進取型，主要投資港股。我仲有排未退休，如到時仲行得走得，會用嚟去旅行。」

陳易希：投資創業好得多

「星之子」陳易希（Stark）同眾多年輕人一樣，正忙於自己的事業發展，未有時間理會強積金，抱「要供就供」的心態。「我開公司嗰陣，有個Agent同我講一定要供，咁就供咗。我無揀過邊間好，投資啲咩板塊，好耐無掂過佢，亦都無時間掂佢。不過，我知我要搵日坐底認真睇睇。」

Stark一畢業便創業，創立科研初創企業Bull.B Tech，專攻手機應用程式研發。既然是老闆，他不單要選擇強積金，更要決定公司選擇哪間受託人。但他笑言：「我將啲錢投資落自己間公司回報仲高啦！」

李惠嫻：隨市況調整組合

大華繼顯（香港）研究部策略師李惠嫻（Hannah）稱，她一向跟市況調配強積金。

李惠嫻指出，「早前見美國聯儲局暗示就快會加息，即刻將債券投資減到零，將組合變到兩成亞洲股票、八成港股。」

至於目前她有兩個積金戶口，但是新戶口則較少理會。