去年底推介過嘅中國外運（00598），至今走勢依然好「弗」，月初創出一年高位3.86元後，喺50日線3.3元附近捱咗一陣，尋日一口氣收復多條平均線，埋單升12.4%，報3.61元，今轉上望4蚊。

因海運業務持續蝕錢，中外運故以超過4億元（人民幣．下同）出售一籃子業務，預計盈利6,062萬元，而資金用作集中火力發展物流。公司去年營業額僅增長0.6%，但仍多賺三成至8.4億元，原因係成本管控有效、盈利能力增強，以及資本回報率提高。除航運業務減虧明顯外，合同物流、工程物流等業務增長強勁，去年已推出三大物流電商平台，未來將繼續推進同母公司中國外運長航集團物流資源整合。

中國外運（00598）

阻力位：4.0元

支持位：3.2元