恒地北角歌頓道項目有機會年底前推售，涉119個住宅單位。

唔經唔覺第三季已過咗接近一半，距離年尾，發展商僅餘大約一季半嘅時間開盤「追數」，嚟緊除咗新界區推盤戰況激烈外，港島區亦罕有咁有機會成為另一重點戰線，全港五大發展商年內將會同步搶攻港島新盤市場，合共開售單位多達2,000伙。當中以信置（00083）灣仔囍滙1、2期合共提供1,275伙嘅規模最大。

恒地北角歌頓道項目有機會年底前推售，涉119個住宅單位。

信置灣仔囍滙第1、2期合共提供1,275個單位。（資料圖片）

恒地營業部總經理 林達民

五大發展商年底前部署開售港島新盤

事實上，一手銷售條例生效咗都三個幾月，發展商重新大舉開盤嘅消息一直只聞樓梯響。

隨着距離年尾愈嚟愈近，各大發展商為咗「追數」，未來數月嘅推盤攻勢，相信會相當密集，個別發展商更會分分鐘要連環推盤甚至雙盤齊發，新盤戰線除咗集中喺供應量龐大嘅新界區之外，港島區原來亦勢將爆發近年罕見嘅大型推盤潮。

恒地北角項目涉119伙

劉Sir聽地產代理老友講，今年五大發展商好大機會再度聚首港島區開盤，其中新地（00016）部署推售已久嘅堅尼地城Imperial Kennedy，好大機會短期內搶閘登場。

新地副董事總經理雷霆回應，該盤樓書目前仍在趕製之中，最快希望一至兩個月內開盤。至於新世界（00017）同區南里Eight South Lane以及跑馬地桂芳街項目亦可望年底前登場。

代理老友又話，長實（00001）同恒地（00012）近排都加緊同北角天后一帶經紀聯繫，密切了解區內最新市況，估計長實嘅天后電氣道項目及恒地嘅北角歌頓道項目年內有機會交鋒，兩盤分別提供118及119個單位。

囍滙料批預售火速推

要數今年港島區最大規模新盤一定係信置等嘅囍滙，第1期提供179伙，第2期提供1,096伙，代理話發展商有機會取得預售樓花同意書後就隨即部署開盤，港島區一向缺大型樓盤新供應，料可吸引用家同投資者。