魚缸Blogger：海爾上望10元關
滬綜指鑽石底危危乎，魚缸尋日亦借勢跌穿二萬點，雖然執筆時外圍對聯儲局份議息聲明有啲期望，但放唔放水，好大機會仲要睇埋禮拜日Jackson Hole年會先見真章。
業績股今日不妨望吓隻海爾電器（01169），前日收市後公布上半年多賺超過兩成至7.12億人仔，結果刺激尋日股價連續第二日大裂口抽升。雖然早前家電商價格戰烽煙四起，但原來實際戰況未有想像中慘烈，加上海爾集中發展三、四線城市，所受影響較細，且集團計劃調高節能類別嘅產品比例，而市場亦普遍相信阿爺好快會推出刺激消費措施，如今海爾業績對辦，預測PE亦係十一倍多啲，不妨喺9蚊邊小注，阻力睇10蚊。
