魚缸Blogger：中興通訊彈力充足
雖然魚缸尋日微升73點，好平靜咁收喺兩萬關樓上，但游資將大價股當細價股咁舞高弄低就相當精彩，渣打（02888）急瀉一成五、思捷（00330）報復式反彈近三成，既然一線股都風起雲湧，短線繼續跟炒價殘股亦無咩好驚。
受歐美反補貼調查、產品涉嫌違反禁運同盈警陰霾拖累，中興通訊（00763）今年以來股價唔見一半有多，不過睇番舊年年報，中國同非洲佔中興近六成收入，而且集團最近獲得中電信（00728）大額訂單，以及中移（00941）4G合約，面對內地來年將迎來4G嘅大趨勢，以中興嘅領導地位，近月股價似乎跌過龍，今趟若能補回12蚊嘅裂口，後市應該有景。
