魚缸Blogger：西藏5100小注一博
上周五道指爆升217點，港股ADR更重上兩萬，加埋預期阿爺禮拜四公布嘅CPI將會破二，魚缸今日好大機會擺脫雙底走勢。
近排細價股炒到興合合，國美（00493）同雨潤（01068）都令人津津樂道，有智慧不如趁勢，啱啱重返三月配股價嘅西藏5100（01115），短線應該飲得杯落。
藏水為內地高檔樽裝礦泉水嘅龍頭生產商，以近三成市佔率稱王，加上集團近年積極簽入新客戶，如中糧集團同中石化（00386），且集團盈利能力強勁，舊年就多賺2.24倍，相信今年上半年業績仍有憧憬，今轉不妨待回試1.7元小注怡情，阻力睇2蚊。
