魚缸Blogger：上藥突破旗形走勢
執筆時歐股早段由跌近1%轉為拗腰倒升，而港股尋日在好淡角力下牛皮悶局，睇嚟下周期指結算前，魚缸難有太大突破。
異動股尋日有上海醫藥（02607），股價五連陽兼突破旗形走勢，短線不妨留意。自近月管理層震盪的餘波逐漸消散後，市場憧憬由前寶鋼副總理樓定波空降到上藥，會有新人事新作風，至上周一樓定波正式亮相上藥嘅投資者大會，似乎集團已重返正軌。
睇番上藥雖然作為內地主要藥物生產及分銷商，但往績PE僅十倍多啲，較龍頭國藥（01099）存在近六成折讓，如今集團內部問題已解決，股價亦係時候重新上路，阻力先睇出事前水平12蚊。
