魚缸Blogger：鉑陽整固後再上
魚缸尋日三連跌，雖最終以陽燭收市，但恒指頭肩頂已逐漸成形，加上歐債壞消息有增無減，今浪下望萬八關仍然有可能。
盈喜股繼續成為淡市嘅稀有動物，開源節流有方下，鉑陽太陽能（00566）宣布中期純利將扭虧為盈，轉賺逾6億元，股價尋日亦被炒高5%。
事實上，自獲得內地大型新能源民企漢能入主為策略性股東，以及早前公布獲得一項技術突破後，鉑陽嘅基本因素已有明顯改善，而內地國務院經濟會議又靜靜雞落幕，不難憧憬新能源產業或會成為穩增長嘅重要項目之一，料今轉稍作整固後，應有勢上試0.25元關，支持就喺0.215元。
