投資SUN國度：市況未明做齊Call Put
由於上周走勢過分無定向，成交又低，短期方向較難預測，自己稍傾向睇淡，但瑕疵是上周五晚美股跌得不夠多。前景模糊，可以用工具搭夠，控制風險博賠率，尤其七月尚餘一周便結算，末日期權爆炸力十足，正好用來以小博大。
雖然傾向睇淡，今日第一段反而應該先趁低買強勢股七月Call，因為預計香港會有不少淡友會先平淡倉。中段之後，則補一注買恒指七月19,000Put。假如大市要跌，今日歐洲開巿時段會是上佳攻擊時機。如此買齊末日Call Put，就可以安心等近期單跳走勢結束。
以上錦囊的死穴，是淡友提早發動攻勢，開市初段便山泥傾瀉。所以早市失守19,300的話，便入市追買19,700打靶的熊證，有過夜博大茶飯的準備，但回升穿19,500便中途止蝕，追沽不用Put而用熊證，是因為屆時引伸波幅應會上升。
