魚缸Blogger：茂業不乏炒上誘因
尋日魚缸升番三舊，不過歐債仍險象環生，西班牙十年債息一度重上七厘，而美國嘅財政懸崖又令人關注，後市難過分睇好。
盈警大軍勢力不斷壯大下，茂業（00848）前日發盈喜，喺淡市中可謂一股清泉。睇番通告，公司預料中期將會有輕微至中等嘅利潤增長，而值得留意嘅係，公司目前正就一項潛在收購進行洽商。其實睇番茂業嘅往績PE九倍唔夠，係百貨股中少數估值仍處單位數者，加上公司過半店舖屬自置物業，成本壓力較輕，而且公司傾緊嘅收購項目，日後唔難成為再炒上嘅伏線，配合圖表上開出類似「早晨之星」嘅轉向訊號，阻力先睇1.5元。
