魚缸Blogger：中海石化上望5元關
「隨時準備出手推更多措施刺激經濟」，好可能係伯老今年講得最多嘅一句說話。隨着QE3美夢落空，睇嚟魚缸短期仲要喺萬九點邊徘徊多陣。
尋日逆市奇葩輪到被大行吼中嘅化工股，其中被揀為行業首選嘅中海石化（03983），股價更連升四日。據資料顯示，尿素價格自舊年低見每噸1,933元人仔後，一直穩步上揚，即使近日喺2,230元人仔附近整固，但仍處大型升軌中，而尿素又佔中海石化舊年逾四成收入，加上背靠中國海洋石油總公司，以及「十二五」對農業嘅扶持，公司今年前景仍然秀麗。中海石化啱啱衝穿保力加通道中軸，有勢朝5蚊關進發。
