魚缸Blogger：華電國際破位在望
尋日魚缸罕有地急升333點，似乎部分已經price in咗伯老為QE3留伏線嘅預期，之不過近排個市對放水消息炒極都唔起，即市操作最好都係繼續向優質股埋手。
央企背景嘅華電國際（01071），今年上半年發電量按年增6.3%，至7,835萬兆瓦時，遠遠跑贏內地整體3.7%嘅升幅，而華電亦獲多家大行眷顧，認為喺講咗N次嘅內地煤價下滑、減息同減三條R利好因素下，華電將會係最受惠嘅電企。走勢上，華電本月初喺2.2元水平搵到承接並完成整固後，尋日終於大爆發，成交急增下重新奪回10日及20日線，今趟如能抽穿上月高位2.47元，阻力睇2.8元都應該唔算好大貪。
