魚缸Blogger：歐舒丹上望22元
尋日魚缸水盡鵝飛，主板成交得番352億，見今年新低，多隻發盈警嘅三四線股更挫逾一成以上，新一波民企風暴似乎有山雨欲來之勢，最好都係做定防風措施！
愛靚係女士嘅天性，來自法國嘅歐舒丹（00973），旗下產品嚴選來自法國南部普羅旺斯嘅有機及天然成分原料，難怪生產嘅化妝同護理品，幾乎已經成為女士嘅必需品。即使喺全球經濟前景不明下，集團截至今年三月底嘅年度純利，仍有逾兩成增長，至1.24億歐元，同時，管理層亦公布咗五年計劃，冀為集團注入新嘅增長動力。喺近期祖國內需股不振下，倒不如轉吼來路貨歐舒丹，阻力先睇22元。
