魚缸Blogger：創科實業可追落後
今個禮拜除咗希臘選舉會有結果，更重要係將會舉行連場歐美領袖會議，觀乎英倫銀行率先宣布放水，睇嚟各國央行今次會較雷曼爆煲時更迅速行動。
炒歐美放水，北美市場佔總收入逾七成、主營地板護理同電動工具嘅創科實業（00669）理應受惠，但睇番創科上周五反應遲緩，只升1%跑輸大市，理論上應有追落後空間。受惠美國樓市穩步復甦，創科舊年純利已按年升近六成至1.51億美元，而管理層亦表示今年首季銷售有高單位數增長，加上憧憬伯老大後日將會為QE3留下端倪，短線應可支持創科股價向上，阻力先睇雙底頸線阻力10蚊。
