魚缸Blogger：中聯重科有勢再上
正所謂好佬怕爛佬，尋日就輪到希臘前總理出嚟話要脫歐，其實希臘一班政客成日出口術，無非想攞更多着數，但就令日前反彈嘅港股回跌番兩舊，睇嚟彈散格局仲未改變。
雖然本周已連續三日推介基建股，但有智慧不如趁勢，阿爺已經打晒開口牌話要保增長、振基建，縱使理論上內房股應受惠，但升勢往往被樓控嘅言論拖住後腳，所以今日都係繼續跟進機械設備股。作為內地三大機械設備企業之一，中聯重科（01157）今年首季收入同純利，分別按年升8%同3%，就算近日股價已經三連陽，但預測PE都係得七倍幾，應有再上空間，不妨吼股價回試10蚊邊跟進，先睇11.5元。
