魚缸Blogger:中視金橋動力強勁
阿爺打開口牌話放水,結果尋日就刺激內險股爆上,悶咗成個幾月嘅國壽(02628)更抽穿100日線,如果股價今日肯回,暴炒男會考慮入番啲看門口睇中長線。
異動股仲可以望吓隻又破位嘅中視金橋(00623),睇好原因除咗佢盈利能力強勁,舊年多賺五成兼派高息外,消息指內地今年文化體育同傳媒開支將會增至約500億人仔,主打視頻嘅中視金橋自能受惠。集團繼早前同央視嘅廣告合作後,旗下定位為內地最大農舍資訊網嘅吾谷網,亦喺二月正式上線,料可為其帶來新增長動力,且股份尋日再創歷史新高,可待股價回試4.4元水平跟進,阻力睇5蚊。
中視金橋(00623)
阻力位:5.0元
支持位:4.2元