市場徐想：中銀業務爆發力強
近排各大國有銀行公布業績，表現唔錯！中國貸款業務受惠於內地資金緊絀嘅環境！再加上人民幣產品興起，潛力真係唔細！中銀香港（02388）提供銀行及相關金融服務。近年喺企業貸款業務上，同國有銀行一樣，有強勁增長。加上利息環境許可，令中銀新做貸款嘅定價提高，增加回報。
隨住澳門經濟發展，大家都見到濠賭股賺到笑！中銀香港正正係澳門銀團貸款市場嘅最大安排行，加上人民幣跨境貿易結算已經擴大覆蓋至全國各地，中銀憑住背景優勢，自必然可以加快拓展貿易融資業務。近年推出多項跨境貿易融資嘅新產品，足以睇到佢爆發性嘅增長潛力！
而集團近年打造嘅全方位服務，就成功獲取中小企客戶支持；加上積極參與港府推出嘅「中小企融資擔保計劃」以及「銀行特別信貸保證計劃」，貸款業務方面又多一條門路！睇番數據，集團市盈率11.9倍，息率5.1厘！繼續追蹤、出發！