魚缸Blogger：海爾不愁炒作藉口
無重大消息下，港股尋日成交回落到521億元，相信喺歐洲多個峰會有結果前，大市仍會高位整固為主。喺北京家電下鄉延期同MSCI新貴概念下，海爾電器（01169）近日股價締造三連升。
事實上，海爾近年採取農村包圍城市嘅銷售策略後，最新資料顯示集團旗下鄉鎮級同縣級門店嘅數目已分別達2.8萬間同7,000間，隨着家電下鄉政策逐漸淡出，市場已憧憬節能補貼將接力成為下一輪刺激政策，擁有強勁分店網絡、貴為熱水器同洗衣機產銷一哥嘅海爾自然值得睇好。
海爾近日隨圓底形態回升，首站阻力位先睇頸線8.67元，支持位7.8元。
