市場徐想：TCL多媒體屆收成期
TCL多媒體（01070）主要業務係生產同銷售彩色電視機，以及賣相關零件，同埋銷售同生產其他影音產品。彩色電視機主要係LCD，但呢個市場競爭已經非常激烈，故此TCL依家開始研發一個新市場，就係LED電視！LED係背光液晶電視機，能夠做到超薄身，喺法國、西班牙同瑞士等市場嘅銷售額都不斷增長，可見LED機係未來電視嘅主流。
主力發展LED電視
TCL的最新發展計劃，就係提升銷售量同埋銷售價格，以及慢慢以LED取代LCD市場，達到改善毛利率嘅策略。
目前集團以內地為主力銷售市場，計劃取得50%以上的市佔率。如果可以打響頭炮，隨後再推出產品到各個新興市場，利錢無限！
公司近幾年用咗好多錢喺科研發展方面，未來幾年相信會係收成期，一於繼續追蹤，出發！
