魚缸Blogger：通天酒業上望1元
大市連升六日，累積逾二千點進帳，但圖表上高位又現待變十字星，港股今日或要先行整固，之後再抽上。
雖然通天酒業（00389）今年上半年純利按年倒退近22%，但主要受累於匯兌虧損同購股權開支等一次性因素，集團今年下半年將會加推三種新產品以迎接年底至明年初嘅銷售旺季，加上內地葡萄酒市場規模每年以雙位數字幅度增長，難怪公司管理層喺八月底至本月中14次出手回購股份。
通天股價上周五喺大成交下突破橫行區阻力，惟高位開出疑似射擊之星卻令人有所顧忌，可先觀察0.85元支持再作部署，主要阻力睇1蚊。
