魚缸Blogger：比亞迪捱過最壞時間
多個利好消息下，尋日港股升逾600點，成交增至940億元，市場預期花旗國上季GDP增長應達2.5%，港股上破二萬關應該無難度。
自公布中期純利大跌近九成後，比亞迪（01211）股價喺一個月內急插至10.92元，較股神入股價只係多唔夠三蚊。然而，一直積極研發電動車嘅比亞迪，前日推出首款家用版電動車E6「先行者」，雖然內地電動車市場配套仍有待改善，但集團此舉起碼比同業先行一步。電動車亦係國策重點扶持項目，就算比亞迪今日公布嘅季績或無驚喜，但可以肯定集團最黑暗嘅日子已經走過。比亞迪尋日強勢突破平頂三角形阻力，直指100日線19.34元，支持喺17元。
