太子手記：傅總幫中石化雪恥
喺中海油（00883）做咗三十年嘅掌舵人傅成玉近期到中石化（00386）母公司上任，隨即碰到多個「天價」嘅燙手山芋，搞到擅與傳媒打交道嘅傅總忙個不亦樂乎，中海油與中石化雖然同列內地油企三甲，但中石化多年嘅營收高出中海油1,500億美元，管理平台較大，傅總應有一展所長嘅機會。
由「天價酒店」、「天價酒」及「天價吊燈」一連串事件，傅總對中石化集團內部嘅工作會議上有感而發，佢話「事件對中石化乃至國企嘅形象造成嚴重傷害，一個人嘅行為導致上百萬人嘅恥辱。」
勢整頓豪奢歪風
傅總講得一點都唔誇張，內地貧富懸殊，國企豪奢亂使錢，幾支天價紅酒飲咗13.11萬元，好多人一年收入都無咁多，五星級天價酒店有「800畝森林公園」，集團新大樓一盞吊燈買咗1,200萬元，搞到天怒人怨，睇嚟傅總上任後要改歪風，為管理帶來新鮮空氣，傅總有排辛苦。
