太子手記：滙豐雙獅坐鎮港交所
尋日滙豐喺香港推出佢哋第一隻ETF，就揀咗呢對「門神」做複製品送畀港交所。
擺喺滙豐銀行總行門口嘅呢對「門神」，左面嗰隻叫Stephen，右面叫Stitt。前輩話銅獅駐守上海不久本港便複製一對，一九三五年起運港駐守皇后大道中舊滙豐總行，即係話佢地守住滙豐總行超過七十五年。
賀大中華ETF掛牌
銅獅有幾個複製品，香港呢對屬於第二代複製品，第三及第四代分別放喺倫敦金絲雀碼頭滙豐集團總部，同埋滙豐中國上海總部大樓。今次送畀港交所嘅一對，都算係變相嘅第五代，但size就屬於超細碼！
滙豐公關姐姐仲同太子講，今次係佢哋銀行喺香港第一隻ETF，叫作「滙豐大中華ETF系列」，包咗4個ETF。計埋今次滙豐嘅ETF產品已經加到有23個，包括埋已發展市場同埋新興市場的股票指數。
