港交所撐李君豪連任董事
基金顧問公司ISS建議港交所（00388）嘅股東，喺股東周年大會上向現任董事李君豪投反對票，但原來港交所已出信予包括政府在內嘅五十大股東，呼籲佢哋支持通過所有議案，即係包括埋支持李君豪連任。
基金翻舊帳促反對
李君豪本身亦不敢怠慢，親自打電話畀外資同本地股東拉票，睇嚟，ISS要踢李君豪出局並不容易，李君豪誓要保住港交所董事呢個席位。
李君豪就同太子呻ISS對佢不公平，佢話自己喺○九年，就海域事件喺高等法院進行法律程序中被告身份已獲撤銷，反問唔通做過一家上市公司出事，以後就要列入「黑名單」，不准再做董事嗎？佢仲話如公司有刻意違規，根本係不可能防範的。
○八年ISS反對李君豪連任，喺政府支持下佢順利當選。港交所董事選舉玩法，倘如反對票多過支持票，仍然無得做，所以李君豪仍未可以掉以輕心。佢話做咗港交所董事十一年，如當選後會繼續推動人民幣產品，加強與內地合作關係。
