太子手記：滙豐ETF 投資易如掃Barcode
唔經唔覺，交易所買賣基金（ETF）喺香港都發展咗超過十年，作為龍頭大行之一嘅滙豐，終於有自己喺香港嘅首個ETF系列，尋日滙豐環球資本市場常務總監兼財富管理銷售亞太區主管蘇其暉（Ken）連同幾位管理層，為4隻今個星期推出嘅ETF造勢。
追蹤MSCI中港台指數
Ken呢頭去到發布會會場，都未企定就急不及待展示手上嘅標誌，原來佢哋用咗條碼（Barcode）作為宣傳嘅設計。雖然條碼同ETF好似無乜關係，Ken就話條碼已經融入咗日常生活入面，為大家帶嚟方便，隨着ETF產品逐漸流行，希望同樣可為投資者帶來方便。
講番呢4隻ETF，分別追蹤MSCI嘅中、港、台指數，預計總開支比率（TER）為0.5%。Ken話呢個比率頗具競爭力，至於會唔會順勢推出人民幣計價嘅ETF，Ken就分析指，短期內難以推出，因為內地可投資嘅資產始終不多。
