| 租／售 |  |
| 租 售 | |
| 樓盤由property.hk提供 | |
太子手記：瑞銀大學課室六藝命名
所謂英雄所見略同，睇吓瑞銀搞嘅訓練室命名活動就知。瑞銀旗下嘅瑞銀金融大學喺香港開幕，為咗令大家投入啲，搞咗個幫六間訓練室命名嘅活動，結果，喺百幾份嘅作品入面，竟然有兩人心有靈犀諗法一樣喎，兩者都係以中華六藝「禮、樂、射、御、書、數」為啲訓練室命名，分別只係一個用普通話拼音一個用廣東話拼音，最終呢份作品都脫穎而出，獲得雙冠軍。
學校離辦公地點近
瑞銀本身喺新加坡開咗間金融大學培訓員工，最近因應發展而喺香港開分校。呢間分校就李寶椿商業大廈入面。金融大學校長杜可丁就話選址離公司嘅主要辦公地點IFC只係十分鐘路程，方便得嚟又可以畀啲同事喺上trainig前活動下，上堂都會專注啲！
瑞銀金融大學開幕咁開心，當然要切燒豬賀一賀。