市場徐想：買基金要懂分散風險
市場上大部分嘅基金投資平台，都有唔少基金可以畀投資者選擇，但大部分嘅類型都係股票基金。要明白，每隻基金都會清楚列明佢嘅基金目標，以中國股票基金為例，最少要有八成資金需要投放喺股票市場。換言之，若遇到環球股票市場「瀑布式」下跌的話，呢隻基金亦唔可以幸免於難。若投資者將所有資金都投放喺股票基金，當中分散風險嘅作用係有限。
投資者要喺持續跌市裏面保護投資組合，最有效係投資喺債券基金同對沖基金。當股票價格下滑嘅時候，各國央行都會先行減息去刺激經濟，而減息正正對債券價格非常有利。
至於對沖基金，喺淡市之中起到顯著作用。但係，若果佢嘅資金太集中喺單一市場，風險亦都會增加，投資者應該選擇可以分散喺幾個市場嘅對沖基金。
