林家亨備戰新年忍口
新年嘅賀年食品多不勝數，當中太子就最鍾意食蘿蔔糕，加埋好多春茗飯局，呢個假期增磅不少。恒豐證券研究部董事林家亨（Simon）竟然好忍得口，講到明即使美食當前，一於「戒口」。
Simon四月中會參加一個全港公開嘅羽毛球比賽，依家佢除咗跑山、跑步之外，每個星期仲要打足三場羽毛球，實行「操弗」個人技術同埋體能！
羽毛球賽誓入四強
Simon聲言一定要努力節食，打羽毛球十分講求彈跳力，如果唔畀心機收身，怕大肚腩會影響狀態。Simon最鍾意就係打羽毛球，平時又會約埋三五知己去練波，以前仲拎過唔少金牌添，名副其實係財金界嘅運動健將。
Simon有百分百信心可以打入四強，但拎冠軍嘅信心就只得九成，因為對手質素好強勁喎。
恒豐證券研究部董事林家亨戒口備戰羽毛球比賽。