夫妻關係「提早」申報

Checkley同佢嘅另一半羅寶兒（Cheery）會喺本月二十七日（下周一）設婚宴，正式拉埋天窗，太子一聽到佢哋結婚嘅消息，即刻致電向新郎哥恭賀一番。聽Checkley講，國藝其實喺八月已「提早」宣布咗兩人嘅喜事，因為國藝委任Cheery做董事，Checkley與Cheery已共同生活咗一段時間，按上市條例，佢有需要基於「事實婚姻」嘅精神「提早」申報兩人嘅夫妻關係，到近日才正式註冊及設宴公告親戚朋友。

至於另一單喜事，就係Checkley咁啱喺同一日，喺佢師公葉準嘅故鄉佛山西樵有一項私人投資會正式落實。