保協喺徐州個20兆瓦太陽能電站上年年尾開始投產,上個禮拜就帶咗一班傳媒朋友去參觀,點知一去到就見到一塊塊嘅太陽能模板下面,竟然有好多草同嫩苗。
朱老闆買種子畀員工喺太陽能模板下面種吓花生、西瓜,地盡其用。聽講朱老闆話到第日電站有收成嗰陣,農作物嘅收入就同員工一人一半添。