銀行爭住北上發展，唔少中國區嘅開國功臣已經建立起一個有規模嘅團隊，星展中國企業銀行部總監兼董事總經理吳文誠（Timothy）話去咗內地發展八年，當初都掙扎咗成個月，好彩到最後發覺無揀錯，做得非常成功。
Timothy仲話，初初去到時普通話講得唔好，自己講普通話甚至成為聚餐嘅表演項目，佢雖然稱呼自己開荒牛，但講起團隊由當初12人發展到依家過100人，不知幾有滿足感。
梁徐雁芬回老家
至於星展中國副行長兼首席運營官梁徐雁芬（Maggie）同太子講起，因為爸爸同媽媽都係上海人，所以○八年調去上海時感覺非常親切，只係咁啱嗰年內地雪災，得佢一個人喺上海，凍得好可憐咁話。