本文重點
好多人都話同行如敵國，睇來這種情況就唔會發生喺EQ極高嘅馬雲身上，事關阿里集團宣布，集團將於九月舉行嘅「網商大會」，竟然請了其潛在對手，eBay嘅行政總裁Jonn Donahoe當主題演講嘉賓，果真體現了中國人「互相觀摩、知己知彼」嘅營商智慧。
阿里集團除了在本港上市嘅B2B貿易網站阿里巴巴（01688），直屬阿里集團系內嘅「淘寶網」同「支付寶」，一直與eBay旗下嘅「eBay易趣」及「PayPal」在中國市場競爭，而隨着馬雲明令「淘寶網」未來要走向國際，好多人都認為馬雲根本就將eBay視為假想敵。
eBay阿頭應邀演講
所以馬雲在今年嘅網上大會中，主動邀請Jonn Donahoe做演講嘉賓，實在有點叫人意外！
不過話又分兩頭，馬雲多年來都深知在商場上要廣結善緣，就好似阿里巴巴之前推出「全球速賣通」，為咗開拓國際市場，就已經引入「PayPal」作為除「支付寶」以外嘅另一支付平台，所以同行真係未必如敵國。