港股隨外圍股市做好，雖然恒指升幅唔算好大，但係個別股份明顯有資金追捧，好似隻神州數碼（00861），經過兩個星期整固後，尋日終現突破，成功升穿50日線12.124元，成交亦見配合，睇走勢短期應該可以進一步突破五月初高位12.9元，挑戰15元水平。
至於早前跌穿8元關口的申洲國際（02313），尋日走勢回勇，成功重上8元以上水平，集團主要以代工方式製造針織服裝，去年盈利增長近八成，今年的盈利前景仍然樂觀。以昨日收市價計，預測市盈率只有五倍，估值吸引，不妨小注跟進。
中國動向（03818）第四季的定單增長22.9%，增幅高於頭三季，難怪一直甚得機構投資者的歡心，近日股價穩步向上，料隨時會有突破。
錢進
