尋日港股反覆上落，恒指在滙控（00005）力挺底下，最終以跌唔夠1點跌幅收市。滙控做好，成為尋日港股回穩的功臣，不過另一指數權重股中移（00941），則成為大戶糟質的對象。幸好，恒指全日上落波幅只約300點，否則牛仔熊仔都將會同時遭殃。
個別股份方面，由於有大行唱好內地電訊、紙業以及百貨股，因此呢幾類股份尋日齊齊做好。講開大行報告，摩根士丹利日前一份報告話，由於內地資金過分充裕，為了洩洪，估計國家或會放寬內地資金投資境外的監管，故「直通車」效應或會重現咁話。
到底直通車幾時有，真係冇人知。但短期難免會為市場惹來一番憧憬，故在市場板塊輪流炒底下，投資者不妨留意多一些AH溢價較大的股份，話唔定會有意外收穫。