馬來西亞藝人童冰玉（Chris）挾32D澎湃身材踩入本地影壇，有「馬國木瓜」之稱的她多以惹火造型示人，但性感形象背後，Chris大呻因文化差異而備受批評：「喺香港着得性感唔係大件事，但我喺馬來西亞同新加坡形象專業，多數飾演律師、警察同醫生等。我第一次嚟香港宣傳電影時着錯衫，谷到個胸唔舒服同埋冇安全感，結果畀馬來西亞同新加坡觀眾質問我點解一嚟香港就大解放！」

童冰玉挾「木瓜胸」來港發展，豈料因騷身材而在家鄉惹來負評。

她自爆當時不敢接電話，藉此避開傳媒追問，幸而獲另一半力撐：「好感激另一半同埋同事，記得當時我連電話都唔敢聽，但同事搵到我時語氣同平時冇分別，亦冇質問我。」問到此事有否令來港發展的她留下陰影？她說：「我會注意衣着，着得太保守就冇睇頭，露又驚走光。」

此外，為保持弗爆身材，她會節食減肥：「我會節食但唔會絕食，因為試過絕食，一食番嘢就肥番10公斤！」