黃貫中近日為《娛樂onShow》擔任嘉賓，提到愛女黃鶯，他即冧爆講唔停，又與主持俞詠文分享與愛女相處趣事，盡顯慈父一面。他笑言若女兒長大後有追求者，他會化身「非常外父」！文：專案組

Paul錫囡囡錫到燶，如果囡囡大個要嫁人，梗係唔捨得啦！

Paul向主持Angela大談湊女樂事。

Paul笑言係老婆嘅阿四，朱茵聽到一定好冧。

Paul一家三口經常外出享親子樂。

相隔四年未有舉行個唱的黃貫中（Paul），將於下月再次舉行個人演唱會，日前他接受東網電視《娛樂onShow》主持俞詠文（Angela）訪問。一向予人剛強火爆的他，提到現年三歲的女兒黃鶯，卻流露鐵漢柔情的一面。

提到最近推出新歌《大英雄》，他笑言不是老婆朱茵及愛女心目中的「大英雄」：「其實我都係『阿四』嚟！可能去到買（囡囡）玩具嘅地方，或者買雪糕嘅地方，就會變做英雄囉！」

親子時間鬥畫畫

Paul又自爆在家中是弱者，皆因面對老婆及可愛的女兒，不會強硬起來。而為了愛女，他更願意付出一切，即使心愛的模型「身首異處」亦毫不介意。談到父女倆的親子時間，畫功了得的他指會與女兒鬥畫畫，更從她的畫作中得到創作靈感：「我哋嘅親子時間，就係趕絕媽媽嘅時間，佢最開心係爸爸拎起畫紙同畫筆，兩個人一齊畫，咩都畫！」

同黃家強對親家？

父愛洋溢的他又指，若女兒長大後有追求者，會「非常外父」上身：「可能囡囡到時大個拖住男仔嘅手會好驚訝，同埋叫囡囡過番嚟。」Angela忽發奇想，竟假設其女兒與Beyond成員黃家強的兒子談戀愛！對於有機會與曾傳不和的家強「對親家」，Paul的反應會如何？想知道更多，記得留意《娛樂onShow》啦！

化妝：Emma Lee　髮型：Matthew Kong@Headquarter　服裝：KOYO