導演許誠毅及演員李鴻其行完紅地氈現身香檳酒會，許誠毅表示一向少飲酒，只有出席活動才淺嘗，他說：「我幾鍾意飲香檳，甜甜哋，不過依家飲少少都有啲Hyper。（易醉？）都易呀！（醉咗會唔會出現搞笑情況？）好極端，一係就係咁講嘢講唔停，一係就瞓，但就唔易嘔。」

許誠毅笑言飲醉酒會變口水佬，或者大覺瞓。

李鴻其演出前會飲少少酒，放鬆心情。

有份角逐新演員獎項的李鴻其表示喜歡飲香檳，因為可以放鬆：「演出前同聚會都會飲啲，演出前飲可以放鬆，狀態會好啲，當然唔可以飲太多。（酒量好？）需要訓練吓，有試過飲醉，但唔會有醜態，只會瞓覺。我上一套戲有飲酒場面，仲要飲烈酒，所以成日都醉，咁就可以加快收工。」