早前在微電影中扮慈父而廣受歡迎的郭富城，昨日聯同魔術師甄澤權（Louis）及一班小朋友出席活動。提到微電影在網上點擊率極高，問到可有興趣演下一集？他說：「咁下一集要生多個，或者起孖都唔錯。（何時成家立室做慈父？）生日願望都講咗，但唔可以急，睇個天安排，有適合我一定會。」提到巴黎恐襲，他說：「聽到件事非常傷心，尤其其中一個事發地點係音樂廳。」並稱他團隊中一名女化妝師正跟丈夫在當地旅遊：「我哋都擔心，通知佢哋唔好立亂出街。（到外地表演會否加強保安及買重保險？）恐怖襲擊驚唔到咁多，因為你都冇得預期，保險我就寧願買重畀觀眾。」

城城聞恐襲，感到傷心。

蔣志光為法國祈禱。

蔣志光昨日表示難過，問到會否去當地旅行？他說：「唔夠膽去，我最想去歐洲！只能為佢哋祈禱，希望大家咪咁傷心，呢兩日都Check緊有冇朋友喺嗰邊，慶幸冇。」而本地時裝設計師鄧達智在Facebook透露身在巴黎，昨日已從巴黎回到倫敦，準備前往泰國，問到離開時巴黎的情況是否緊張？他說：「我乘火車回倫敦，火車站很緊張，機場肯定都會緊張！我相信飛曼谷，希斯路機場也不會鬆懈！」而前亞姐王家敏、內地藝人陶紅等在巴黎，二人驚魂過後透過社交媒體報平安。王家敏透露事發時正在三星米芝蓮餐廳中用餐，但外面卻發生恐襲，令她大呼人生無常。而台灣歌手蕭亞軒於恐襲翌日離開巴黎。