黃宗澤（Bosco）、黃浩然、朱千雪和沈卓盈等昨日為劇集《警犬巴打》試造型，Bosco自言終可一嘗「制服誘惑」穿軍裝警服，稍後要上堂學習訓練警犬：「聽到要着軍裝我都流晒口水，朋友都笑我做錯啲乜？之前喺內地先同BB拍完劇，依家又同狗，不過，屋企隻狗都受過訓練，指令都大同小異，都好快上手。」

Bosco對着警犬笑說：「梁烈唯乖！」

黃浩然與朱千雪在劇中有不少對手戲。

穿上軍裝的Bosco表示，稍後要上堂學習訓練警犬。

女主角鍾嘉欣與梁烈唯因工作缺席，被Bosco拖着的警犬十分聽話，他對着警犬笑說：「梁烈唯乖！」相反另一隻警犬卻十分百厭並搶咪，Bosco笑說：「佢係我哋女主角鍾嘉欣，鍾嘉欣唔好咁百厭。」劇中再與嘉欣扮情侶的他說：「鍾嘉欣角色好Cool，高學歷、高智商，不屑同我講嘢。」問到可有時間識女朋友？他說：「有冇好介紹？自己都好忙，都係啱啱返香港兩日。」

黃浩然與朱千雪飾演一對，浩然去年因病辭演《張保仔》，事隔九個月再拍劇的他說：「好耐冇拍劇，反而好期待，好有新鮮感。」扮演貪錢港女的朱千雪則說：「港女十式我都識，之前做醫生、警察規範多啲，今次角色發揮多啲。」梁烈唯則回應Bosco「讚乖」：「唔會介意，我同Bosco好Friend，同埋大家都好愛狗。」