女星「陽光妹」何思諺（Leanne）三年多前為鼓手老公杜志烜（Tom）誕下囝囝杜杜，雖然升呢為媽媽，但為九十後的她只是二十有四，依然青春！向來影相斯斯文文的Leanne，自囝囝出世後，自己也就細路上身，愛上自拍親子騎呢樣！

何思諺

何思諺嘟嘴賣萌，但不及兒子「牙斬斬」搶鏡。

行文青路線的Leanne嘟嘴、鼓起泡腮時仍相當可愛，襯上一頭清爽短髮，似足一個百厭「小男孩」！反而要她扮騎呢就不敵囝囝，見囝囝出盡力猛皺眉頭兼露出成棚牙，相當有鼓手爸爸的Rock and Roll精髓！連Leanne都自爆：「囝囝出世之後，就鍾意影相嘅時候搞笑、扮古靈精怪樣。老公係個大細路，同囝囝影相都一樣會扮鬼臉。」