同門自必有是非及內訌，加上是女子組合就更多「明爭暗鬥」，Jessica說：「冇可能每個人個個都夾到，實有啲啱傾，啱傾咪傾多兩句囉！」她強調隊中沒有勾心鬥角及是非傳出：「大家相處咗四年，知道依家做緊呢樣嘢一定要團結。我覺得五個人好好彩，每次工作上遇到事情都好一條心。係咪個個都超Friend？咁一定有啲感情特別好。」

Jessica

Jessica自覺與隊友Yanny（右）思想最接近，而陳嘉桓是其另一好友。

陳嘉桓

要數Jessica的圈中老友，非隊友Yanny及藝人陳嘉桓莫屬，她自覺與Yanny思想接近，更有心有靈犀感覺：「有時佢想講嘅說話我已經講咗出嚟。」兩女均屬自卑派，Jessica說：「佢係一個負能量人，但成日帶正能量畀我，我哋夜晚傾電話傾到凌晨兩、三點。」而與陳嘉桓則有共同朋友，Jessica說：「佢朋友做空姐，住喺我附近，因為佢哋成日一齊畫畫，有次叫埋我就識咗佢，之後久唔久會約出街。」