鄧麗欣（Stephy）早前無懼南韓的「新沙士」疫情威脅，勇闖當地拍攝旅遊節目，前晚終完成拍攝回港。當晚11時許，她在助手陪同下現身香港機場，眾人均戴上口罩，Stephy說：「喺嗰邊總共留咗4日，每日拍攝時間都好密，經常都喺街拍嘢。」她表示拍攝期間亦有留意疫情：「一直有留意香港嘅新聞同聽呼籲，避開醫院同診所範圍。」

早前赴首爾拍攝的Stephy前晚回港時仍戴着口罩，做足防疫措施。

問到首爾市內情況，她指當地氣氛平靜：「當地人好似冇咩事咁，照樣出街又唔見佢哋戴口罩，最奇怪係便利店都冇口罩賣。」提到男友方力申日前叮囑她要勤洗手保持衞生，她笑說：「有不停洗呀，仲洗到對手乾晒！」她其後又在網上向粉絲報平安：「安全回港～沒有被強制檢驗，更沒有被強制隔離～朋友們別再嚇我了！」