高海寧（高Ling）昨日摒棄以往咪神、BB及女神的形象拍攝無綫新劇《愛情食物鏈》，以圍裙上陣在街市魚檔劏魚，滿面濺血仍無動於衷。其後她更與金剛拍一幕執刀版「壁咚」，嚇得金剛面容扭曲。其實今次在《鏈》劇飾演賣魚妹的高Ling為配合角色花盡心思，不惜親自到街市向魚販求教劏魚，更透露要在劇情中徒手捉鱔及田雞：「佢哋滑潺潺，鱔會咬人，我都好緊張。」提到金剛時她大讚對方好玩，佢成日講好多奉承我嘅說話，但我就句句都窒住佢，我覺得對佢好刻薄。（演情侶？）佢鍾意我之嘛！我唔會鍾意佢！」對於無綫處境劇《愛．回家》即將完結，參演該劇八個月的高Ling坦言不捨，更稱最近回將軍澳電視城拍劇不時入錯廠：「因為慣咗喇！」

放下女神形象的高Ling飾演劏魚妹。