第十一集

第十二集

第十三集

第十四集

第十五集

第十一集：歌頌青春電暈吳若希

「宅男女神」吳若希（Jinny）問城中男神周潤發有冇睇過佢嘅劇：「你有冇睇TVB套《衝線》？」雖然發哥嗰段時間太忙冇睇，但就唱咗隻歌仔覆Jinny：「不過我有睇過啲Promo，靚仔靚女踩單車踩到去台灣，青春劇！我都好鍾意青春，就好似陳寶珠舊時隻歌咁：『青春，真可愛青春！』」冧到Jinny暈陀陀！

第十二集：教Heidi黑色素添魅力

行山容易捕獲周潤發，Heidi問：「行山咁熱，會唔會試過忍唔住熱到除衫，露出好有型嘅『朱古力』？」豈料發哥自爆：「嚇死人咩？我仲有個腩！我個豬腩仔都唔細！所以我成日着黑色衫，一黑遮三醜。」

第十三集：張兆輝學吸趣大法

張兆輝除咗問發哥影相點解咁叻，又問佢點解咁風趣，風趣嘅發哥再有神回覆：「你要風趣好簡單，買多啲油炸鬼，一定脆！食蔗，又咁脆，食多啲馬蹄爽，又趣，你想風趣？食多啲呢啲食物冇錯，一定脆！脆到你唔識講！」呢句10個趣呀！

第十四集：搵心穎尋開心

心穎BB問嘢答嘢向來Cute，佢問發哥：「如果你可以同一個人或者一樣嘢交換身份一日，你會揀咩呢？」周潤發用萌爆口音回答：「我想做個開心醫生，真係劏開個心幫人搭橋，醫番好人，咁呢個開心醫生真係好開心！我想做醫生做一日！開心喎！真係同人開心嗰啲開心喎！開完佢唔死得我就更加開心，死咗就冇辦法啦！」

第十五集：羨慕如楠天生一對

翠如BB雖然有個蕭正楠，但原來佢更加鍾意發哥！佢仲話：「鍾意發哥任何造型，就算喺屋企隨便行出嚟都好型！」周潤發點回覆呢？佢話：「我邊夠你男朋友型仔，你兩個行埋又好睇，我不知幾羨慕你，真係男才女貌！」以為周潤發會繼續讚，點知佢反高潮話：「喂！請飲咪搵我，我唔得閒！」莫非妒忌蕭正楠？