前港姐歐陽巧瑩（Tammy）與無綫J2台旅遊節目《3日2夜》男主持梁彥宗，前日於馬來西亞遇上當地42年來最強烈的6級地震，幸眾人身處距離震央沙巴約兩小時車程的亞庇，得以逃過一劫。前晚返港的Tammy獲男友林師傑接機兼推行李，並驅車接送，Tammy說：「地震嗰刻我唔知點做，跑咗去浴缸避難，第一時間打電話畀媽咪，再打畀林師傑，我一向都好珍惜佢，今後會更加珍惜眼前人。」林師傑很擔心女友：「擔心佢要延遲返港。（佢打完畀媽咪先打畀你？）咁做啱吖！（佢話珍惜你？）有人珍惜梗開心，畀到正能量我呀！（結婚？）太遠，自己都未照顧到，有穩定收入同前途先！叫佢等多陣，希望等到，唔會等好耐！」

歐陽巧瑩獲林師傑接機並體貼地推行李，實冧死啦！

林師傑做柴可夫接歐陽巧瑩返屋企。