周柏豪及恭碩良等昨日現身音樂會記者，提到劉浩龍在網上的「污糟論」惹來大批網民批評，柏豪說：「可能有少少誤會，係表達方式嘅問題，我都識師兄（指劉浩龍），佢個人好玩得，係個幾好嘅人，希望大家唔好咁介意。我自己喺心急嘅時候都會打錯嘢，希望大家同師兄都唔好咁介意。」

柏豪撐師兄為人玩得，估計只是表達方式的問題。

恭碩良自言「有嗰句講嗰句」，但現在於網上發言亦懂得修飾。

而恭碩良被問到在網上會否小心發言時說：「做人本來就要好小心！以前我會有嗰句講嗰句，依家就會修飾吓！不過香港觀眾都接受咗我死鬼仔嘅形象，Keep住做自己！」

吳國敬昨日接受電話訪問時表示跟劉浩龍相識逾20年，對於浩龍的「污糟論」被全城圍插，他開腔護友：「佢今次係『實』咗啲，其實佢為人一向好實在，不過我都撐佢。」又指浩龍有「少少潔癖」，但未算有病態，試過成班朋友到他家玩啤牌時，吳國敬跌了餅碎落地，浩龍看見後就出聲叫他要清理乾淨地面。