前港姐陳華鑫（Gloria）一向喜歡悠閒的生活模式，早前特意到美國三藩市抖抖氣，四圍觀光，趁機輕鬆一下，她說：「因為香港生活節奏好快，就算放假，個人精神都會好繃緊咁，所以有時去吓外國，放鬆吓叉叉電！」問到今次旅程有甚麼最深刻，Gloria說：「一定係玩小型賽車，因為我本身好鍾意揸車，但又考唔到車牌，所以玩呢啲可以Feel到嗰種快感！其實澳門都有，不過就要有車牌先玩得囉！」其後她又大呻旅程中的一大遺憾：「我嗰時喺街頭見到一張好靚好型嘅導演櫈，咩都冇諗就買咗返嚟，但最後因為上機時有包裝嘅問題，運唔到，真係好可惜！」

在大橋前留影的Gloria凍到要戴頸巾！

Gloria穿上小背心再食雪糕，簡直透心涼！

考唔到車牌，Gloria選擇玩小型賽車過吓癮！