大少林建名愛女林煒珊昨日以主席身份出席《仁濟醫院第47/48屆董事局交代就職典禮》，同場有出任第四副主席的王賢訊及藝人羅霖前夫劉坤銘。大少指他當年做主席至今已相距38年，問到有何感想？他說：「對社會有幫助，我做主席一路發展、籌劃同拓建，喺教育及各方面都有成就。（有咩獎勵囡囡？）佢依家做緊嘅嘢都係我資助嘅，佢繼續做落去我都會資助。（今晚晚宴啲表演嘉賓係你諗嘅？）係我公司嘅藝人。（女朋友唔陪你嚟？）今日冇女朋友。（今晚會一家人嚟支持？）應該會。」

林建名力撐愛女出任主席，卻不想給予意見，認為年輕人應有自己意見及創新方向。

劉坤銘被問到知否羅霖將出寫真時表示不清楚，兩人沒有聯絡，亦不知對方公司捲入水貨生意一事，提到羅霖被形容為美魔女，他說：「冇乜Comment。（佢重返娛樂圈會唔會祝福佢？）如果做對嘅事希望佢順暢。」王賢訊則透露囝囝昨日一歲生日，只會叫「爸爸」及「Daddy」，卻不會叫媽媽。